Мәзірлер

Біз білетін өнімдердің ерекше үйлесімін байқап көрсек қайтеді? Бұл тағамға қосылатын бұқтырылған асқабақ пен алма, аздап шарап, даршын және тауықтың бауыры – керемет! Сіз де дәмін көріңіз. Өкінбейсіз!

Қосылатын тағамдар:

•  Амераль тауық бауыры — 500 г.
• Алма — 2 дана
• Асқабақ (жұмсағы) — 250 г
• Бұрыштар қоспасы (түйіршіктелген) — 10 дана
• Даршын — 0,5 ст. л.
• Шарап (кез келген) — 50 мл
• Өсімдік майы — 80 г
• Тұз — 0,5 шай қасық

Дайындалуы:

1. Бауырды жуып, қағаз сүлгімен сүртіңіз. Өсімдік майына шала қуырып алып, тостағанға салыңыз.
2. Алма мен асқабақты төртбұрыштап үлкендеу тураңыз.
3. Асқабақты қызып тұрған майға салып, қызарғанша қуырыңыз.
4. Алма, даршын, түйіршіктелген бұрыш қосып, 3-4 минут қуырыңыз.
5. Шарап құйып, буланып  кеткенше бұқтырыңыз. Қуырып алған бауырды қайта алып, тұздаңыз. Ұқыптап араластырып, тостағанға салыңыз. Алма мен асқабақ қосылған тауық бауыры дайын!

Астарыңыз дәмді болсын!