«Алель Агро» 2025 жылға дейін үш жаңа құс фабрикасын салады
«Алель Агро» АҚ-ның пікірінше, компанияның цифрлық трансформациясы Қазақстанның құс шаруашылығы саласында нағыз төңкеріс жасай алады.
Қазірдің өзінде Алматы облысында алты құс фабрикасы жұмыс істеп тұрған компания 2022 жылы Жамбыл облысындағы құс шаруашылығы кешеніне инвестиция салды. Қазақстан Құс өсірушілер одағының мәліметінше, бұл өңірдің тағы бір артықшылығы – Қырғызстан мен Өзбекстанға жақын орналасуы. Сонымен қатар, Жамбыл облысында құс еті өндірісі Алматы облысына қарағанда төмен.
Қазіргі уақытта қуаттылығы 10 мың тонна болатын құс фабрикасы мен дәл сондай қуаттағы ет өңдеу зауыты іске қосылды. Сонымен қатар, қуаттылығы 140 мың тонна болатын құрама жем зауыты салынды.
Компания өкілдері 2025 жылға дейін тағы үш құс фабрикасының құрылысын бастап, іске қосуды жоспарлап отырғанын хабарлады.
ФАО мәліметінше, әлемде құс етін өндіру мен тұтыну алдағы уақытта арта бермек. Қазіргі уақытта тұтынылатын еттің шамамен 40%-ы тауық етіне тиесілі. Алайда, Қазақстанда құс етімен өзін-өзі қамтамасыз ету деңгейі 65%-ды құрайды. «Алель Агро» АҚ – оңтүстік өңірдегі жетекші компания. Алматы қаласы мен Алматы облысы нарықтың шамамен 50%-ын алып отыр.
Дереккөз: apk-news.kz
